Azərbaycan müxtəlif sivilizasiyalar arasında tarixən oynadığı mənəvi körpü rolunu bu gün də layiqli şəkildə davam etdirir.
AZXEBER.COM xəbər verir ki, bunu İordaniyada səfərdə olan Qafqaz Müsəlmanları İdarəsinin (QMİ) sədri, Qafqazın şeyxiAllahşükür Paşazadə“Əhl-əl-Beyt” Kral Fikir müəssisələri Akademiyasının təşkil etdiyi tədbirdə çıxışı zamanı dilə gətirib.O bildirib ki, son zamanlar dünyada insan haqları, vətəndaş cəmiyyəti haqda çox danışılır və insan haqları deyilən məfhumun Qərb standartları və ya Şərq meyarları olmur. Şeyxin sözlərinə görə, burada əsas olan ədalət prinsipidir.A.Paşazadə çıxışında Azərbaycanda hazırda mövcud olan dini vəziyyət barədə məlumat verib.“Azərbaycan bütün sahələrdə olduğu kimi, tolerantlıq, müxtəlif dinlərin ardıcılları arasında səmimi münasibətlərin hökm sürdüyü bir məkan olaraq da bütün dünya üçün uğurlu bir nümunədir. Etnik-dini tolerantlıq Azərbaycan cəmiyyətinin həyat tərzidir” – deyə, şeyxülislam vurğulayıb.QMİ sədri çıxışında həm də torpaqlarımızın ermənilər tərəfindən işğalı barədə də danışıb:“İşğal olunmuş ərazilərdə baxımsız qalmış ümumislam əhəmiyyətli məscid və ibadətgahlarımızın taleyi bizi hədsiz narahat edir. Ümidvarıq ki, Qarabağ problemi tezliklə öz ədalətli həllini tapacaqdır, inşallah!”.
