Məlum olduğu kimi Avropa Liqasının VI oyun günündə baş tutmuş "Qarabağ" - "İnter" (İtaliya) oyununun 90+4-cü dəqiqəsində baş verən olayla bağlı "Qarabağ" Futbol Klubu şikayət məktubu yazdı, amma həftə sonu olduğu üçün UEFA-dan, hələ ki, heç bir cavab gəlməyib.
AZXEBER.COM xəbər verir ki, şikayətin cavabından asılı olmayaraq önumüzdəki həftənin 3-cü günü "Qarabağ" Futbol Klubunun vitse-prezidenti Tahir Gözəl İsveçrəyə gedəcək .Artıq Avropa Liqası yarışının direktoru Giorgi Marchetti ilə görüş vaxtı təyin edilib. Tahir bəy bu barədə klubun rəsmi saytına açıqlama verib:
"Nəticədən asılı olmayaraq futbolun ürəyi olan UEFA-ya gedəcəm. Orada bağlı və ya açıq görüşdə həmin epizoda onlarla birgə baxacam və "Qarabağ"a qarşı haqsızlıq edildiyini onların dilindən eşidəcəm".
