Ermənistan Silahlı Qüvvələri işğal etdiyi Azərbaycan torpaqlarında irimiqyaslı hərbi təlimlər keçirir.
APA-nın Qarabağ bürosunun xəbərinə görə, düşmən hərbçiləri Ağdam rayonunun işğal altında olan Şahbulaq dağ massivi və Uzundərə adlanan ərazisində keçirdikləri manevrlərdə ağır artilleriya və zirehli texnikalardan istifadə edirlər.
Sözügedən istiqamətdə güclü atəş və partlayış səsləri eşidilir.
Düşmənə məxsus texnikaların hərəkəti təmas xəttinə yaxın ərazilərdən aydın müşahidə olunur.
