Ağdamın "Qarabağ" klubu "Sent Etyen"ə keçən seneqallı hücumçusu İbrahima Vadji ilə bağlı rəsmi məlumat yayıb.
AZXEBER.COM xəbər verir ki, bu barədə klubun rəsmi "Facebook" səhifəsinə məlumat yerləşdirilib:
"Əldə olunmuş razılığa əsasən, komandamızın hücumçusu İbrahima Vadji Fransanın "Sent Etyen" klubuna transfer olub.
Ötən mövsüm komandamıza transfer olmuş seneqallı futbolçu keçirdiyi 36 oyunda 20 qol vurub və 4 məhsuldar ötürmə edib.
İbrahima Vadjiyə göstərdiyi xidmətlərə görə təşəkkür edir və gələcək karyerasında uğurlar arzulayırıq!".
