"Ağdama gedən qatarın ilk sərnişinlərindən birinin Zaur Əliyev olacağını düşünmüşdüm. Hətta "Bu gün Ağdama gedən qatarda varsanmı?" deyə soruşdum. Təəssüf ki, illərdir Qarabağ üçün, Ağdam üçün palaz-palaz məqalələr, yazılar, kitablar hazırlayan Zauru dəvət etməyiblər. Təşkilatçıların ağlına qarabağlı alimi dəvət etmək düşməyib. Zaurun səfər təəssüratları çoxlarının yazdıqlarından daha yaxşı olacaqdı”.
AZXEBER.COM xəbər verir ki, bu sözləri AMEA-nın Folklor İnstitutunun aparıcı elmi işçisi, şəhid mayor Vüsal Vəliyevin qardaşı Elyar İslamoğlu deyib.
O bildirib ki, Azərbaycan Dəmir Yolları (ADY) Ağdam və Qarabağ haqda qarabağlı alimi səfərə aparmamaqla vətənpərvər insanları küsdürür:
"”Qarabağ: diaspor, soyqrım, teror”, "Xocalı soyqırımı beynəlxalq cinayət kimi”, "Şuşa, Schuscha, Шуша, Shusha, Choucha”, "31 mart, март, march”, "Ağdam. Məhv edilmiş şəhərin tarixi”, "Xocalı” (Azərbaycan, Rus, Alman, Fransız,İngilis və Ərəb dillərində ), "Erməni kilsəsi və terror. Erməni tarixindən Ermənistan dövlətinə qədər", "Qarabağ: rayon və şəhərlərin tarixi ”, "Qondarma "erməni soyqırımı” ABŞ-Türkiyə münasibətlərində", "Qarabağ Zəfəri-Şuşa”, "Erməni milli kimlik psixologiyası və xəstəliyi" kimi onlarla Qarabağdan, Ağdamdan bəhs edən kitabların müəllifi olan qarabağlı alim bu gün Ağdama gedən qatarda deyil. Vətənpərvərləri belə-belə küsdürürlər”.
