Millət vəkili Qənirə Paşayeva Ukrayna Azərbaycanlı Gənclər Birliyinin 3-cü forumunda gəncləri sosial şəbəkələrdə Qaradağ həqiqətlərinin daha geniş yayılması və erməni yalanlarına qarşı mübarizədə daha aktiv olmağa çağırıb.
Millət vəkili Qənirə Paşayeva Ukrayna Azərbaycanlı Gənclər Birliyinin (UAGB) Odessa şəhərində keçirilən 3-cü forumunda “Xaricdə təmsilçilik. Alternativ yollar“ adlı paneldə çıxışı zamanı xaricdə təhsil alan gənclərimizin Azərbaycan haqqında həqiqətlərin, Xocalı soyqırımı, Dağlıq Qarabağ münaqişəsi haqqında dolğun və düzgün məlumatların Ukrayna və eləcə də dünya ictimayyətinə çatdırılmasında böyük rol oynaya biləcəyini xüsusi vurğulayaraq onları bu istuqamətdə səylərini daha da artırmağa çağırıb.“ Qarabağ probleminin həlli, torpaqlarımızın Ermənistanın işğalından azad ediıməsi, qondarma erməni soyqırımı iddialarına qarşı mübarizə harada doğulub harada yaşamasından asılı olmayaraq bütün Azərbaycan gənclərinin əsas məsələsi olmalıdır. Biz bu iddiaların qarşısını almaq üçün həqiqətləri, gerçəkləri bütün dünyaya daha geniş şəkildə çatdırmalıyıq”, – deyə millət vəkili əlavə edib. Bu məsələdə Azərbaycan gəncliyinin üzərinə böyük vəzifə düşdüyünü qeyd edən millət vəkili Qənirə Paşayeva bütün Azərbaycan gəncliyini tariximizə sahib çıxmağa, sosial mediada, virtual aləmdə fəal olmağa çağırıb və Azərbaycan həqiqətlərinin daha geniş şəkildə yayılması məqsədilə sosial mediada səylərin artırılmasının, işinin sürətləndirilməsinin vacibliyini qeyd edib. Virtual məkanın, sosial şəbəkələrin bu günkü dünyada rolu və gücü barədə geniş məlumatlar verən millət vəkili Qənirə Paşayeva gənclərimizin bu məkanın gücündən doğru istifadə etməsinin həm özləri həm də ölkəmiz və millətimiz üçün önəmini xüsusi vurğulayıb. Gənclərimizin əksəriyyəti sosial çəbəkələrdə keçirdikləri zamanın ən azı 30 faizini ölkəmiz, millətimizlə bağlı məsələlərə sərf etsə daha çox nəticələr əldə edə bilərik deyən millət vəkili Qənirə Paşayeva gənclərimizi təhsil aldıqları və ya yaşadıqları ölkələrin ictimai-siyasi, mədəni həyatında daha geniş təmsil olunmalarının vacibliyi barədə də danışıb. Panel zamanı millət vəkili Qənirə Paşayeva da olmaqla paneldə çıxış edən millət vəkilləri, ekspertlər gənclərin çoxlu sayda suallarını cavablandırıb və onlarla geniş fikir mübadiləsi aparılıb.
