Ukrayna Prezidenti Vladimir Zelenski artıq 10-dan çox sui-qəsd cəhdindən sağ çıxıb.
AZXEBER.COM axar.az-a istinadən xəbər verir ki, bunu Ukrayna Prezident Aparatı rəhbərinin müşaviri Mixaylo Podolyak deyib.
"Xarici tərəfdaşlarımız Vladimir Zelenskinin həyatına iki-üç dəfə sui-qəsd cəhdindən danışırlar. Hesab edirəm ki, ondan artıq belə cəhd olub”, - Podolyak bildirib.
Onun sözlərinə görə, Ukraynada çox güclü kəşfiyyat və əks-kəşfiyyat şəbəkəsi fəaliyyət göstərir:
"Mütəxəssislər mümkün təhlükələri izləyir və sui-qəsd cəhdlərini aradan qaldırır. Təhlükəsizlik nöqteyi-nəzərindən bəzi şeylər haqqında danışa bilmərəm. Qərb kəşfiyyatı haqlıdır ki, Putin üçün əsas hədəf cənab Zelenskini öldürməkdir”.
