Xəbər verdiyimiz kimi, Sumqayıt Dövlət Universitetinin 5 tələbəsi bu gün baş verən dəhşətli qəzada dünyasını dəyişib.
"Qafqazinfo” vəfat edən tələbələrlə bağlı bəzi məlumatları əldə edib.
İbrahim Nəsibov universitetin 3-cü kurs tələbəsi olub. O, fizika və elektronika fakültəsində təhsil alırmış. Tələbə gənc bu gün Mərdəkanda dəfn olunub.
İbrahim Quliyev də eyni fakültənin 3-cü kursunda təhsil alırmış. Cəlilabad rayonunda torpağa tapşırılıb.
Qəzanın qurbanı olan digər 3 tələbə Çinarə Quliyeva, Roza Muradova və Rəşad Caniyev də tələbə yoldaşı olublar. Hər üçü də tarix və coğrafiya fakültəsinin III kursunda oxuyurlarmış. Rəşad Canıyev Lənkəran, Çinarə Quliyeva Füzuli, Roza Muradova isə Cəlilabad rayonundandır.
Fotoda: Çinarə Quliyeva
Soldan birinci Rəşad Caniyev
