"Qəzadan sonra Bloger Nicat Şakirlinin (Nikosayağı) telefonları və pulqabısı oğurlanıb.
AZXEBER.COM xəbər verir ki, bu haqda teleaparıcı- bloger Ramal İsayev instagram hesabında paylaşım edib.
"Dünən axşam o vəziyyətdə Nicatın telefonlarını və pulqabısını oğurlayıblar! Bunu edənlər tapılıb cəzalandırılacaq! Bu qədər də yox!” sözlərini yazıb.
O qeyd edib ki, Nicat hazırda reanimasiyadadır, dostunun ölümündən xəbərsizdir, həkimlərdən dostunun vəziyyətini soruşub.
Daxili İşlər Nazirliyi (DİN) gecə saatlarında "Nikosayağı” adı ilə tanınan bloqer Nicat Şakirlinin paytaxtın Nizami rayonu ərazisində törətdiyi yol-nəqliyyat hadisəsi zamanı pulqabısı və telefonlarının oğurlanması barədə yayılan məsələyə münasibət bildirib.
DİN-in Mətbuat Xidmətindən Oxu.Az-ın sorğusuna cavab olaraq bildirilib ki, bloqerin pulqabısı və telefonlarının oğurlanması barədə quruma heç bir müraciət daxil olmayıb.
Gülay
