İsrail ilə Qəzza arasında müəmmaya çevrilən atəşkəs nəhayət ki, imzalanıb.
AZXEBER.COM xarici mediaya istinadən xəbər verir ki, İsrailin Baş Nazirliyi bu gün səhər saatlarında girov və atəşkəs razılaşmasının imzalandığını rəsmən açıqlayıb.
Baş nazir Benyamin Netanyahuya razılaşma ilə bağlı məlumat verildiyi və planın təsdiqlənməsi üçün Siyasi və Təhlükəsizlik Məsələləri üzrə Nazirlər Şurasının çağırılması və daha sonra hökumətin ümumi yığıncağının təşkil edilməsi tapşırıldığı açıqlanıb.
Hökumət girovların azad edilməsini əvvəlcədən planlaşdırıldığı kimi bazar gününə deyil, bazar ertəsinə təxirə salmaq qərarına şənbə günü səs verəcək.
Rəsmilər bu gecikmənin HƏMAS ilə son dəqiqə fikir ayrılıqları ilə bağlı olduğunu bildiriblər.
Səsvermənin hökumət daxilində ciddi müxalifətə səbəb olacağı gözlənilir.
Diaspora naziri Amichai Çikli, milli təhlükəsizlik naziri İtamar Ben-Qvir və maliyyə naziri Bezalel Smotriç İsraillə Həmas arasında müharibənin davam etmədiyi təqdirdə istefa verəcəklərini açıqlayıb.
Netanyahu danışıqlar qrupuna təşəkkür edib və əldə olunan razılaşmanın təfərrüatları barədə girovların ailələrinə məlumat verildiyini təsdiqləyib.
Mikayıl
