İsrailin blokadası və intensiv hücumları altında olan Qəzza zolağında humanitar böhran yaşanır.
AZXEBER.COM xarici mediaya istinadən xəbər verir ki, yanacağın tükənmə həddinə çatdığı xəstəxanalarda müalicə çətinləşib.
Xəstəxanalara yanacaq verilməməsi 1100 böyrək çatışmazlığı xəstəsinin həyatını təhlükə altına qoyub.
Fələstin Səhiyyə Nazirliyi təcili olaraq xəstəxanalara və yardım maşınlarına yanacaq verilməsi ilə bağlı çağırış edib.
Birləşmiş Millətlər Təşkilatı da bölgədəki yanacağın 3 gün ərzində tükənəcəyi ilə bağlı xəbərdarlıq edib:
"Yanacaq olmasa, təmiz su, işləyən xəstəxanalar və çörək sexləri olmayacaq”, - deyə BMT-nin məlumatında bildirilib.
BMT tərəfindəh Qəzza zolağına yanacaq daşınmasına dərhal icazə verilməsi üçün çağırış edilib.
Qəzzadakı Əl-Vəfa xəstəxanası da xalqdan kömək üçün müraciət edib.
Xidmətin göstərilməsi üçün xəstəxananın generatorunun işlək vəziyyətdə olmasının vacibliyi vurğulanıb.
Mikayıl
