"Bu həftə səma kifayət qədər aktiv olacaq".
AZXEBER.COM Türkiyə mətbuatına istinadən xəbər verir ki, bu barədə türkiyəli astroloq Hande Kazanova öz sosial media hesabında paylaşım edib.
O, paylaşımda bildirib:
"Gəlin 10-16 mart həftəsinə nəzər salaq. Mart ayı astroloji baxımdan çox aktiv bir dövrə işarə edir. Merkuri və Veneranın mühüm mövqeləri, eləcə də Ay tutulması kimi güclü səma hadisələri bu ayı əhəmiyyətli edir. Həyatımızda nizam-intizam yaratmaq ehtiyacını hiss edəcəyimiz, iş həyatımızda, sağlamlığımızla və daha çox problemlərlə üzləşəcəyimiz bir dövrə giririk.
Xüsusilə 14 Martda baş verəcək Qız bürcündə Qanlı Ay tutulması, Günəş-Saturn birləşməsi və Ay-Saturn qarşıdurması iş həyatı, xidmət sektoru və sağlamlıq problemlərini ön plana çıxaracaq. Ruhani, fiziki və zehni sağlamlığımız arasındakı tarazlığı qorumaq üçün qayğı göstərməli olduğumuz bir dövrdəyik.
Martın 10-da Şir bürcündə həftəyə Ay ilə başlayacağımız üçün lider və idarəçilərin verdiyi açıqlamalar bir neçə gün ərzində diqqət çəkəcək. Diqqəti vacib işlərə cəmləmək və planlar qurmaq üçün əlverişli zaman olacaq. Martın 12-də Günəş və Saturnun birləşməsi məsuliyyətlərimizi artıracaq və bizdən daha intizamlı və tənqidi perspektivlə hərəkət etməyi tələb edəcək.
Merkuri və Veneranın birləşməsi keçmişdən gələn hesablaşmaların və üzrxahlıqların aktivləşəcəyini bildirir. Xüsusilə martın 12-də münasibətlərimizi nəzərdən keçirmək və sülh yaratmaq mövzuları ön plana çıxacaq".
Oksana
