Türkiyədə iki ailə arasında mübahisə qanla bitib.
Azxeber.com qafqazinfo-ya istinadən xəbər verir ki, hadisə Aydın vilayətində baş verib.
Məlumata görə, Ergezen və Duran ailələri arasında qız alıb-vermə səbəbindən mübahisə yaranıb. Nəticədə tərəflər arasında silahlı qarşıdurma olub. İnsident zaman 1 nəfər ölüb, daha 7 nəfər isə yaralanıb. Xəsarət alanlardan biri uşaqdır.
Polis hadisə yerində 500-ə qədər tapança və ov tüfəngi gilizi tapıldığını bildirib. Yaralıların yerləşdirildiyi xəstəxanada və hadisə yerində təhlükəsizlik tədbirləri görülüb.
