Xəbər verdiyimiz kimi ötən gün Etibar Məmmədovun tutulması istiqamətində keçirilən əməliyyatın təfərrüatları barədə məlumat yayılıb.
Məlumata görə, 2017-ci il oktyabrın 23-də Bakı şəhərinə etap zamanı konvoy mühafizəsi altından qaçmış ağır və xüsusilə ağır cinayətlərdə təqsirləndirilən əvvəllər dəfələrlə məhkum olunmuş Etibar Məmmədovun tutulması istiqamətində həyata keçirilən kompleks əməliyyat-axtarış tədbirləri ilə onun Hacıqabul rayonunda tanışı İlqar Əzimova məxsus evdə gizlənməsi barədə məlumat daxil olub.
Məlumatın dəqiqləşdirilməsi məqsədilə aparılan yoxlamalarla Etibar Məmmədov və İlqar Əzimovun noyabrın 1-i saat 23 radələrində sonuncuya məxsus avtomobildə paytaxt sakinləri Anar Əsgərov və Şahmar Bəyəlizadə ilə birlikdə Bakı-Ələt yolunda hərəkətdə olmaları müəyyən edilmiş və onarın saxlanılması üçün xüsusi əməliyyat keçirilib.
Lakin xidməti vəzifələrini yerinə yetirən polis əməkdaşlarının nəqliyyat vasitəsini polis postunda saxlamaq barədə qanuni tələbinə tabe olmayan adları çəkilən şəxslər avtomobili onların üzərinə sürmüş və odlu silahdan atəş açmaqla həmin ərazidən uzaqlaşmağa cəhd göstəriblər.
AZXEBER.COM-un əldə etdiyi məlumata görə, sözügedən cinayətkar dəstənin zərərsizləşdirilməsi istiqamətində Daxili İşlər Nazirliyinin Mütəşəkkil Cinayətkarlığıa Qarşı Mübarizə İdarəsi ("Bandotdel") tərkibində yaradılan xüsusi əməliyyat qrupu tərəfindən yüksək peşəkarlıq nümayiş etdirilib. Belə ki, öncədən əldə edilən məlumat əsasında Etibar Məmmədov və İlqar Əzimovun yerləri dəqiqləşdirilib. Ərazidəki vətəndaşların təhlükəsizliyi təmin edildikdən sonra əməliyyata başlanılıb.
MCQMİ-nin əməkdaşları cinayətkarları qanunun tələblərinə uyğun rəftar etməyə çağırsalar da, qaçaq məhbuslar silahlı müqavimət göstəriblər. Əməliyyat qrupu isə çox keçmədən onları xidməti silahları ilə zərərsizləşdirə biliblər. Nəticədə adı çəkilən şəxslər yaralı qismində xəstəxanaya qaldırılıb. Bir neçə saat sonra isə Etibar Məmmədov xəstəxanada keçinib.
Mütəşəkkil Cinayətkarlığa Qarşı Mübarizə İdarəsinin əməkdaşları tərəfindən xəsarət almayan Şahmar Bəyəlizadə isə saxlanılaraq tutulub.
Əməliyyat qrupu cinayətkar qruplaşmanın avtomoillərinə ilkin baxış zamanı ədəd "Makarov" markalı tapança, xeyli sayda patron və giliz, bir 2 ədəd əl qumbarası, bir ədəd bıçaq, uzun müddət çöl şəraitində yaşamaq üçün zəruri olan konservləşdirilmiş əzaq məhsulları, tibbi preparatlar, ləvazimatlar, geyim əşyaları və s. aşkar edilib götürüb.
Qeyd edək ki, ölkə gündəminin əsas xəbərlərindən birinə çevrilən kriminal avtoritet Etibar Məmmədovun həbsdən qaçması nəticəsində bir çox rəsmi şəxs öz tutduğu vəzifədən azad edilmiş, aralarında Fədayə Laçın adlı müğənni olmaqla bir neçə şəxs də həbs edilmişdir.
