Ümumdünya Meteorologiya Təşkilatı (WMO) 2030-cu ilə qədər hər il 560 orta və irimiqyaslı təbii fəlakətin baş verəcəyini açıqlayıb.
AZXEBER.COM xarici mediaya istinadən xəbər verir ki, ölümlərə də diqqət çəkən hesabatda, xüsusilə bir qitə vurğulanıb və ölümlərin 50%-dən çoxunun orada olacağı bildirilib.
Ümumdünya Səhiyyə Təşkilatının (ÜST) və bir çox digər beynəlxalq təşkilatların töhfələri ilə Ümumdünya Səhiyyə Təşkilatının koordinasiyası ilə hazırlanan "Sağlamlıq üçün İqlim Xidmətlərinin Durumu 2023” adlı hesabatı Ümumdünya Səhiyyə Təşkilatının Baş katibi Petteri Taalas paylaşıb.
İqlim dəyişikliyinin təsirləri, bu il sağlamlıq mövzusuna yönəlmiş hesabata görə, xüsusilə də ən həssas icmalarda daha yaxşı sağlamlıq və rifah istiqamətində illərlə irəliləyişi geri çevirmək təhlükəsi yaradır.
Ekstremal hava şəraiti və pis hava keyfiyyəti yoluxucu xəstəlik variantları, qida və su təhlükəsizliyi ilə mübarizə şəraitində səhiyyə sektorunu dəstəkləmək üçün xüsusi iqlimlə bağlı məlumat və xidmətlərə ehtiyac yaradır.
İqlim dəyişikliyi sağlamlığın determinantlarına zərər verir və sağlamlıq sistemlərinə təzyiqi artırır. Bu, xüsusilə ən həssas icmalarda insan sağlamlığını və rifahını yaxşılaşdırmaq üçün onilliklər ərzində əldə edilmiş tərəqqini geri qaytarmaq təhlükəsi yaradır.
Hesabata görə, 2030-cu ilə qədər dünya üzrə 560 orta və irimiqyaslı təbii fəlakətin olacağı proqnozlaşdırılır ki, bu da gündə orta hesabla 1,5 hadisəyə bərabərdir.
İqlim dəyişikliyinin mənfi təsirlərinin qarşısının alınmasında erkən xəbərdarlıq sistemlərinin həyati təsirə malik olduğu və bunun qeyri-kafi olduğu ölkələrdə ölüm hallarının digər ölkələrlə müqayisədə 8 dəfə çox olduğu qeyd edilir.
İqlim Dəyişikliyi üzrə Hökumətlərarası Panel (IPCC) belə qənaətə gəlib ki, gələcəkdə daha intensiv və tez-tez baş verən həddindən artıq istilər, qasırğalar, fırtınalar, daşqınlar, quraqlıqlar və meşə yanğınları səbəbindən sağlamlıq riskləri artacaq, iqlim dəyişikliyindən ölüm hallarının isə 50 faizindən çoxu 2050-ci ilə qədər Afrikada olacaq.
Ayşən
