Avstriyanın Lints şəhərində cüdo üzrə Qran-pri davam edir.
AZXEBER.COM İdman.biz-ə istinadən xəbər verir ki, yarışın ikinci günündə Azərbaycan millisinin iki üzvü tatamı üzərinə çıxıb.
Cüdoçularımız iki çəkidə medallar uğrunda mübarizə aparıblar. Rəşid Məmmədəliyev (73 kq) finalda uduzaraq, ikinci olub.
Kişilər
73 kq
Rəşid Məmmədəliyev birinci mərhələdə avstriyalı Samuel Qasnerlə üz-üzə gəlib və qələbə qazanıb. O, ardınca müvafiq olaraq, Masayuki Teredanı (Tailand), Akil Qyakovanı (Kosovo) və Vinisius Ardinanı (Braziliya) məğlub edərək, yarımfinala yüksəlib. Məmmədəliyev finala gedən yolda Hassan Doukkalidən (Mərakeş) güclü olub. Cüdoçumuz həlledici görüşdə Adil Osmanovla (Moldova) güləşib. Rəşid finalda uduzaraq, Qran-pridə gümüş medal qazanıb.
Qadınlar
63 kq
İlk raunddan azad olan Aytac Qardaşxanlı italiyalı Antonietta Palumbo ilə qarşılaşıb. O, startdaca məğlubiyyətə üzülüb.
Qeyd edək ki, millimiz ilk günü medalsız başa vurub.
