"Qarabağ"ın baş məşqçisi Qurban Qurbanov müqavilə ilə PAOK-a məxsus olan sabiq futbolçusu Pedro Enrikenin Ağdam klubuna qayıdacağı ilə bağlı yayılan xəbərlərə münasibət bildirib.
AZXEBER.COM xəbər verir ki, o, qol.az-a açıqlamasında bu xəbərləri təsdiqləməyib. 46 yaşlı mütəxəssis deyib ki, braziliyalı yarımmüdafiəçi ilə danışıqlar olmayıb və indi də aparılmır.
Qeyd edək ki, P.Enrike mövsümün ilk hissəsini icarə əsasında "Astana"da keçirib. O, hazırda Qazaxıstan klubunun düşərgəsindıdir.
Xatırladaq ki, Pedro ötən mövsüm icarə əsasında "Qarabağ"ın formasını geyinib.
