Əslində həmişə səmimi və kəskin açıqlamaları ilə tanınan müğənninin ad çəkməməsi bir qədər qəribə görünsə də, bu, çox da uzun sürmədi. Röya bu dəfə sərt mesajlarını dəqiq ünvanlara yolladı. Müğənni “Space”ə müsahibəsində bir vaxtlar isti münasibətdə olduğu Samir Cavadzadə və Sevda Yahyayevanı ayağının tozu adlandırıb. Röya hətta efirdə ayaqqabısını çıxarıb kameraya göstərərək “Siz mənim üçün bax busunuz və mən bununla torpağın üstündə gəzirəm” deyib.
Bəs görəsən, müğənnini bu qədər qəzəbləndirən nə olub? Yaradıcılıq işlərindən başını qaşımağa macal tapmayan Röyanı həmkarlarının hansı hərəkətləri özündən çıxarıb? Əslində bu tip açıqlamalar daha çox tərəflərdən birinin haqsızlıqla üzləşdiyi hallarda səslənir. Elə Röya özü də bir cümləsilə buna işarə vurub. “Vaxtilə məni heç kim dəstəkləməyib”. Doğrudan da, müğənni ilk addımlarında nəinki həmkarlarının dəstəyini almış, əksinə, uğurlarını böyük tənqidlərlə çarpışa-çarpışa əldə etməli olmuşdu. Röyanın kimlərlə hansı qalmaqallara imza atması çoxlarının xatirindədi. Şou-biznes tarixinə nəzər salsaq, yəqin ki, Röyanı dəstəkləyən sima tapmaq çox çətin olar. Müğənni ona gərək olan dəstəyi artıq ehtiyac duymadığı vaxtlarda aldı. Bu üzdən də Röyanın bugünki aqressiyasını haradasa başa düşmək olar.
İstər Röyayla işbirliyindən sonra aylarla, illərlə yoxa çıxan Samir Cavadzadədən, istərsə də uzun müddət Röyanın fonunda az qala ulduza çevrilən yeni ulduz Sevda Yahyayevadan gördüyü münasıbət, bu gün səhnənin ən əsas fiqurlarından birinə çevrılən Röyanı hələ deyəsən çox səfərbər edəcək. Kim bilir, həmkarlarını təmənnasız dəstəkləyən Röya bəlkə də bundan sonra Aygün Kazımovanın təcrübəsindən yararlanacaq, onun Milli.Az-a müsahibəsində “Rəqsanə mənim üçün adi müştəridir və mən onun tədbirlərinə qonorar müqabilində qatılıram” kimi fikirlərinə haqq qazandıracaq?
Yeri gəlmişkən, Röya "Space"ə müsahibəsində Rəqsanə ilə münasıbətlərinə də aydınlıq gətirib: “Mənim Rəqsanə ilə heç bir problemim yoxdur. Görünür, Rəqsanə bu açıqlamalarla reklam yaradır”.
