Rəqsanə: "Mənim düşmənim yoxdur" (EKSKLÜZİV-MÜSAHİBƏ)

Müğənni böyük məmnuniyyətlə AZXEBER.COM portalının suallarını cavablandırdı. Müsahibəni olduğu kimi təqdim edirik. 

- Nəyə görə jurnalın adı məhz "Rec" adlanır?

- REC yeni bir başlanğıc deməkdir. Kamera və diktafonda REC-siz qeyde almaq mümkün deyil. Mən də bu jurnal vasitəsi ilə həyatımda yeni bir səhifə açmaq istəyirəm.

- Bu jurnalın yaradılmasında əsas məqsəd nədir?

- Bu jurnalla həyatımda olan bəzi problemləri sona çatdırıb, çox şeyə yenidən başlamaq istəyirəm.

- Bildiyimiz kimi, Röya və Aygün Kazımovanın da jurnalı var. Bu jurnalın onlardan ən böyük fərqi nə olacaq?

- İnşAllah onu zaman göstərəcək. Biz çalışacağıq ki, fərqli ve oxucu marağına səbəb olan bir jurnal ortalığa çıxaraq. Hər şeyi zaman göstərəcək. İnanıram ki, bu jurnal tam fərqli olacaq. 

- Ola bilərmi ki, Rəqsanə bu jurnalı düşmənlərini vurmaq üçün açıb?

- Mənim düşmənim yoxdur. Ola bilər kimsə məni özünə düşmən saysın. Amma yenə də deyirəm bu həyatda mənə pislik eden insan belə mənim düşmənim deyil.

- Jurnalın yazarları kimlər olacaq?

- Yazarlar mətbuatda tanınan simalar olacaq. Gələcəkdə isə biz öz kollektivimizə yazıları ilə seçilən, fərqlənən jurnalistləri dəvət edəcəyik. Kollektivimizi günü-gündən genişləndirməyi düşünürük. 
Yeri gəlmişkən nəzərinizə çatdırım ki, bu jurnalda çox fərqli və çox maraqlı fotolar olacaq. Həmin fotolar bu günə kimi heç yerdə yayımlanmayıb

- Sonda AzXeber.com portalının oxucularına nə demək istərdiz?

- Sizin portala uğurlar və bol oxucu kütləsi arzulayıram. Bir daha təşəkkürlər.