"Mən güclü rəhbər kimi prezident İlham Əliyevə hörmət edirəm"
AZXEBER.COM-un məlumatına görə, bunu ANS TV-ə müsahibəsində Çeçenistan prezidenti Ramzan Kadırov deyib.R.Kadırov Azərbaycanın məhz İ.Əliyevin sayəsində ayağa qalxdığını, həm iqtisadi, həm də siyasi sahədə inkişaf etdiyini vurğulayıb:“Bu yaxınlarda Rusiya prezidenti Vladimir Putin Bakıda səfərdə oldu. Onlar şəhərdə, restoranlarda gəzirdilər. Mən bunu görəndə öz prezidentim adına sevindim. Mənim qardaşım, Azərbaycan prezidenti adına da sevindim.Əgər Azərbaycan xalqı ağıllıdırsa, onda onlar indiki prezidenti dəstəkləyəcəklər. Çünki mən bilmirəm onu kim əvəz edə bilər. Həm də bu dəqiqə o, möminlərə dəstək verir. Məscidlər tikir, yardım edir, beynəlxalq konfranslar keçirir. Hamı ilə onun yaxşı münasibətləri var, o möhkəm dövlət qurur”.Çeçenistan prezidenti Azərbaycanın Qafqazda ən rahat ölkə olduğunu da xüsusi qeyd edib.“Ata Əliyev qurmağa başladı, oğul Əliyev bu işi davam etdirir. Bu bizi sevindirir. Əgər mənə desəydilər ki, Azərbaycan bu cür dəyişəcək, mən inanmazdım.Mən axırıncı orada olanda, təəccüblənmişdim. Yaxşı mənada təəccüblənmişdim. Şəhərdə gəzdim, mehmanxanaları gördüm.Dəniz sahilində tikilən kompleks nəyə desən dəyər. Biz Türkiyəyə, Dubaya getməkdənsə, Azərbaycana gedə bilərik. Bir saat yoldur. Getdin, dincəldin, gəldin. Bizim üçün, Qafqaz üçün bu ən rahat yerdir”- deyə, R.Kadırov vurğulayıb.
