İngiltərənin "Çelsi" komandasından ayrılan futbolçusu Antonio Rüdiger İspaniya "Real Madrid"inə keçib.
AZXEBER.COM-un "kral klubu"nun rəsmi saytına istinadən məlumatına görə, azad agent statuslu almaniyalı müdafiəçi ilə 4 illik müqavilə bağlanılıb. Onun təqdimatı iyunun 20-də olacaq.
Rüdiger "Real Madrid"in yay transfer dövründə ilk transferi olub. 29 yaşlı oyunçunu almaq istəyən klub 400 milyon avrosundan keçməlidir.
Qeyd edək ki, bu mövsüm Antonio Rüdiger "Çelsi"nin 31 oyununda 3 qol və 2 məhsuldar ötürmə müəllifi olub. "Real Madrid" isə İspaniya La Liqasının və Çempionlar Liqasının qalibi adını qazanıb.
