"Real"ın baş məşqçisi Xulen Lopetegi komandadan ayrılır.
"Marca” xəbər verir ki, mütəxəssis La Liqanın X turunda "Barselona”ya 1:5 hesablı məğlub olduqları oyundan sonra futbolçularıla vidalaşıb. 52 yaşlı məşqçi hər ehtimala qarşı onlarla sağollaşmağı lazım bildiyini söyləyib.
İddia olunur ki, "Real" bu gün Bakı vaxtı ilə saat 16.00-da italiyalı Antonio Konteni komandanın yeni baş məşqçisi qismində ictimaiyyətə təqdim edəcək.
Qeyd edək ki, bu il iyunun 15-dən "Real"ə rəhbərik edən Xulen Lopetegi 2018-ci il dünya çempionatı ərəfəsində İspaniya yığmasından qalmaqalla ayrılıb. "Kral Klubu” hazırda La Liqada 14 xalla 9-cu pillədə qərarlaşıb.
