“Azərbaycan dövlətinin güclü olması çoxlarının yuxusunu “ərşə çəkib””
“Amerika öz həyati maraqları naminə bütün dünya dövlətlərini nəzarətində saxlamaq istəyir və bu məqsədlə bəzən ədalətsizliyə yol verməkdən də çəkinmir”.
Bu sözləri AZXEBER.COM-a açıqlamasında Milli Məclisin İnsan Haqları Komitəsinin sədri, millət vəkili Rəbiyyət Aslanova ABŞ Dövlət Departamentinin Azərbaycandakı seçkilərlə bağlı məlum hesabatına münasibət bildirərkən belə deyib.
Onun sözlərinə görə, ABŞ Dövlət Departamenti beynəlxalq müşahidəçilərin Azərbaycandakı seçkilərlə bağlı rəyini bölüşməməklə, maraqlı tərəf olduğunu ortaya qoyur: “Azərbaycandakı seçkiləri minlərlə yerli və beynəlxalq müşahidəçi izləyib. Onların seçkilərlə bağlı yekdil mövqeyi ondan ibarət olub ki, Azərbaycanda seçkilər ən yüksək səviyyədə beynəlxalq standartlara uyğun şəraitdə keçirilib. Belə olduğu təqdirdə seçki prosesində faktiki olaraq iştirak etməyən ABŞ-ın seçkilərlə bağlı məlum mövqeyi başadüşülən deyil və yəqin ki, bəlli maraqlara xidmət edir.
Prezident Adminstrasiyasının rəhbəri, hörmətli akademik Ramiz Mehdiyevin bunula bağlı açıqlaması bir çox qaranlıq mətləblərin üzərinə işıq salmaqla, məsələnin mahiyyətini tam çılpaqlığı ilə ortaya qoyub.
Unutmaq lazım deyil ki, Azərbaycan dövləti milli təəssüb hissini qoruyan xalqın və onun seçdiyi prezidentin iradəsini hakim götürür və heç kim bizə diqtə edə bilməz. Görünür Azərbaycan dövlətinin güclü olması çoxlarının yuxusunu “ərşə çəkib””.AZXEBER.COM
