"Hər gün Rəhimin qəbrinə gəlirəm. Evdə nə gecəm, nə də gündüzüm var. O gedəndən hələ də yoxluğuna alışa bilmirəm. Nə havam, nə də suyum çatır. Elə bilirəm ki, qaranlıq bir yerdəyəm".
AZXEBER.COM xəbər verir ki, bu sözləri mərhum müğənni Rəhim Rəhimlinin sevgilisi Huri xanım deyib. O, "Maqazin plus"a açıqlamasında Rəhimin ondan küsülü vəfat etdiyini bildirib. Huri Rəhimin ailə qurub övlad sahibi olmaq istəyindən də danışıb:
"O rəhmətə gedəndə burada deyildim. Ölkə xaricində idim. Dostları zəng vurdu. Dedilər, artıq Rəhim həyatda yoxdur. O məndən küslü getdi. Rəhim əvvəllər fikirləşirdi ki, ailə quraq, övladımız olsun. Ən çox oğlan övladı arzulayırdı. Deyirdi ki, heç olmasa məndən sonra yolumu davam etdirən olsun. Amma olmadı. Bu da qismət".
Xatırladaq ki, Rəhim Rəhimli bu il oktyabrın 30-da kəskin ağciyər və ürək çatışmazlığından vəfat edib.
