“Bu hadisə məni uşaqlarımı götürüb Bakını tərk etməyə vadar edir”“Bu hadisə məni uşaqlarımı götürüb Bakını tərk etməyə vadar edir. Azayevlərdən hər şey gözləmək olar. Küçənin ortasında bir qadını təhqir edən insan başqa vasitələrə də əl atar. Mən ailəmin və özümün təhlükəsizliyini düşünürəm”.Lent.az-ın məlumatına görə, bunu bu gün keçmiş sevgilisi tərəfindən hücuma məruz qaldığını iddia edən Rəqsanə deyib. Müğənninin sözlərinə görə, məhkəmədən çıxandan sonra onu şəxsi avtomobili ilə izləyən Faiq Azayev qarşısını kəsib, söyüş söyüb, maşınını cızmağa, təpikləməyə başlayıb. 102 xidmətindən istifadə edən sənətçinin köməyinə 17-ci polis bölməsinin əməkdaşları gəlib. Sənətçi izahat verəndən sonra mətbuat vasitəsi ilə özünün və ailəsinin təhlükəsizliyinin təmin olunması üçün aidiyyati dövlət qurumlarına müraciət edib.Müğənni bildirib ki, Azayev qardaşlarının törətdiyi daha bir hadisə onun adına yazılıb: “Onların yanında Lalə adlı bir xanım var. Həmin qardaşlar onun anası Raziyyə xanımı döyüb, hadisəni ört-basdır etmək üçün mənim ayağıma yazıblar. Guya o qadını mən döydürüb, bunların üzərinə atmışam. Onlar mənə daha bir quyu qazmaq istədilər, amma düşürə bilmədilər”.
