Müğənni Rəqsanə İsmayılova yeni dünyaya gələcək övladını itirib.
AZXEBER.COM xəbər verir ki, o, bu barədə "Səhər mərkəzi” verilişində danışıb.
Belə ki, efirə çıxan sənətçi vəziyyətinin çox ağır olduğunu, həmçinin qızı Aysunun da səhhətində problem olduğunu açıqlayıb.
"Səhər saat 7-də Aysun mənə yazdı ki, hərarətim olduqca yüksəkdir. Özümü pis hiss edirəm. Səninlə canlı efirə gələ bilməyəcəm”, - deyə Rəqsanə bildirib.
Verilişin aparıcısı Afaq Gəncəli isə "Cavan xanımsan. İnşallah arzuna çatarsan. Hər şey irəlilədir. Gözəl anlarımız olacaq. Üstü örtülü danışdım. Amma tamaşaçılar özləri başa düşəcəklər” sözlərini deyib.
Rəqsanə isə Afaqa cavab olacaq "Qismət” söyləyərək, göz yaşlarına boğulub.
Daha sonra Rəqsanə özünü pis hiss etdiyini və efiri tərk etmək istədiyini vurğulayıb. Aparıcı isə müğənninin bu istəyini yerə salmayaraq verilişini sonlandırıb. Afaq Gəncəli Rəqsanənin əlindən tutaraq canlı efiri tərk edib.
Qeyd edək ki, Rəqsanə İsmayılova bir müddət əvvəl "Zaurla Günaydın" səhər şousunda hamilə olduğunu və dünyaya beşinci dəfə övlad gətirəcəyini açıqlamışdı.
Həmin görüntüləri təqdim edirik:
Mikayıl
