Sevilən aparıcı Nigar Mahmudova Məkkədən paylaşım edib.
AZXEBER.COM xəbər verir ki, bir müddətdir müqəddəs torpaqlarda olan aparıcı orada yaşadığı hissləri izləyiciləri ilə bölüşüb.
O, Məkkədən geri dönəcəyi üçün təəssüfləndiyini bildirib:
"Axşamlar qrup üzvləri ilə yığışıb Kəbənin qarşısında otururduq. Namazları qılırdıq, dualar oxuyurduq, bəzən sadəcə otururduq. Elə bil məhlədəyik, yaydır, amma Kəbəyə baxırdıq. Möcüzə idi.
O qədər gözəl idi. Elə olurdu tək gedirdim, amma gedib qrup üzvlərini tapırdım orada. Çünki adətən Kəbənin əsas qapısı olan Abdulaziz qapısının qarşısında otururdu bizimkilər. Kəbəyə baxaraq namaz qılmağın verdiyi xoşbəxtliyi, hüzuru sözlərlə ifadə edə bilmirəm. Kim edə bilirsə mənə kömək etsin onu yaşamayanlara izah etməyə".
Aparıcı Məkkədən ayrılarkən yaşadığı hissləri dilə gətirib:
"Ayrılmaq asan deyildi. Axşam təxmini saat 8 üçün getdim namaza. Bir az oturdum, sonra Kəbənin başına dolandim, sonra bir az gəzib sütunlara filan baxdım, çəhrayı sütunu tapdım. Saat 11-də avtobus çıxacaqdı, baqajımı yığmamışdım, anam zəng edirdi, mən isə ayrıla bilmirdim. Ürəyim bütün zəvvarlar kimi orada qaldı. Gedənlər hamısı eyni hissləri yaşayır, yenidən qayıdacağı günü gözləyir. Yenidən Ləbbeyk deyəcəyim günü gözləyirəm".
Aysel
