"Sabah bizi çətin oyun gözləyir. "Anderlext"i analiz etmişik. Fanatlardan ciddi dəstək gözləyirik. Birgə uğurlu nəticəyə imza ata bilərik".
AZXEBER.COM-n məlumatına görə, bu sözləri "Qarabağ"ın futbolçusu Reynaldo Silva deyib.
Sabah Avropa Liqasında "Anderleхt"i qəbul edəcək təmsilçimizin futbolçu bu gün keçirilən mətbuat konfransına qatılıb. Reynaldo 2008-2013-cü illərdə "Anderleхt"ə məхsus olsa da, bu komandanın heyətində cəmi 8 rəsmi oyuna çıхıb və başqa klublara icarəyə verilib. Braziliyalı 2013-cü ildə Belçika klubundan "Qarabağ"a keçib.
O, sabiq komandasına qarşı bütün rəqiblərə qarşı olduğu kimi oynayacağını deyib: "Anderlext” sabiq komandamdı. Amma onlara qarşı əvvəlki oyunlardakı kimi hazırlaşmışam. Mənim üçün rəqibin fərqi yoxdu. Əsas öz oyunumu düşünürəm. Bütün matçlara eyni qaydada hazırlaşıram. Mənim üçün motivasiya həmişə eyni olur - qələbə qazanmaq lazımdı".
Reynaldo sabiq komandasına yaxşı bələd olduğunu əlavə edib: “Təbii ki, «Anderlext»in müdafiəçilərini yaxşı tanıyıram. Onlarlın bəziləri ilə bir yerdə məşq etmişəm. Rəqibi kifayət qədər analiz etmişəm”.
