Katolik Kilsəsinin lideri Papa Fransisk ailələrdə uşaq əvəzinə ev heyvanlarının saxlanılmasını qınayıb.
AZXEBER.COM xarici mətbuata istinadla xəbər verir ki, İtaliya statistika agentliyinin məlumatına görə, ötən il ölkədə 400 mindən az doğum, 700 mindən çox ölüm qeydə alınıb.
Romada keçirilən tədbirdə Papa Fransisk ötən il İtaliyada doğulanların ən aşağı həddə çatdığını öyrəndiyini deyib. O bildirib ki, cəmi 393 min yeni doğuş olub. Bu, böyük bir məsələdir.
O gələcək üçün narahat olduğunu söyləyərək bildirib ki, doğumlar bir xalqın gələcəyini ölçməyin əsas göstəricisidir. Əgər daha az uşaq doğularsa, bu, gələcəyə inamın azalması deməkdir. Papa bunun iqtisadi, sosial problemlərə səbəb olduğunu, gələcəyə inamı sarsıtdığını da əlavə edib.
Şəbnəm Zahir
