Madrid “Real”ının hücumçusu Kriştianu Ronaldo karyerasındakı 500-cü qolunu vurub.
Apasport.az saytının məlumatına görə, portuqaliyalı forvard Çenpionlar Liqasının qrup mərhələsi çərçivəsində keçirilən “Malmö” – “Real Madrid” qarşılaşmasında hesabı açmaqla özü üçün rekord və yubiley müəyyənləşdirib.
Qeyd edək ki, 30 yaşlı futbolçu bu göstəriciyə karyerası ərzində klublar və yığma səviyyəsində keçirdiyi 753-cü matçında imza atıb.
Əlavə olaraq bildirək ki, bu qol həm də Kriştianunun “Real” üçün Çempionlar Liqasında vurduğu 66-cı qoldu.
