Son beş mövsümdə 132 qol vuran portuqaliyalı ulduz «Böyük beşlik»dəki bütün həmkarlarını qabaqlayıb. 100 qolluq həddi Ronaldodan başqa «Barselona»nın ulduzları - Lionel Messi və David Vilya da aşıb.
Son beş mövsümdə ən çox qol vuran oyunçular
Kriştiano Ronaldo
Real 132 qol
Messi, Lionel
Barselona 112 qol
David Vilya
Barselona 100 qol
Ronaldo rəqib tanımır
«Castrol EDGE»nin hesablamalarına görə, 2010-2011 mövsümündə «Böyük beşlik» ölkələrinin çempionatlarında (Bundesliqa, La Liqa, Liqa 1, Premner Liqa və A Seriyası) oynayan 2500 futbolçu arasında Ronaldo oynadığı oyun sayından çox qol vuran yeganə futboçudu.
Ötən mövsüm La Liqada 250 dəfə qapıya zərbə vuran «Real»ın ulduzu 102 halda hədəfi düzgün nişan alıb. O, oynadığı matçlarda təxminən hər 12 dəqiqədən bir rəqib qapıçının sayıqlığını yoxlayıb.
Rekordlar kralı
Ronaldo ötən mövsüm La Liqada 40 qol vurmaqla rekord qırıb. Belə ki, o, indiyədək ispan Telmo Zarra və Hüqo Sançesin «bir mövsümdə ən çox qol» rekorduna şərik çıxıb.
Ronaldo cərimə meydançasının kənardan 6 qol vurmaqla da rekorda imza atıb. O, 2010-2011 mövsümündə İspaniya La Liqasında cərimə meydançasının kənarından ən çox qol vuran oyunçu olub. Rolando 6 qoldan 4-nə sərsəbt zərbələrlə imza atıb.
Qollarının 70 faizini sağ ayağı ilə vuran portuqaliyalı ulduz qarşılaşmaların son 15 dəqiqəsində vurduğu 11 qolla fiziki gücünü göstərib.
Penaltilərin ustası
Ronaldo 2010-2011 mövsümündə La Liqada 8 dəfə penalti vurmaq imkanı qazanıb və bütün hallarda dəqiq oynayıb. Cərimə zərbələrindən 4 qol vuran futboçu «Böyük beşlik»də sərbəst zərbələrdən ən çox qol vuran oyunçu olub.
/// fanat.az
