Məşhur model İrina Şeyklə sevgilisi və aktyor Bredli Kuper ilk dəfə övlad sevincini yaşayıb.
AZXEBER.COM xəbər verir ki, əslən tatar olan rusiyalı model övladını 2 həftə əvvəl dünyaya gətirib. Daha heç bir təfərrüatlar yoxdur: nə uşağın cinsi, nə adı, nə də dəqiq doğum tarixi məlumdur.
Bəzi iddialar görə, əgər uşaq oğlan olarsa, Bred 2011-ci ildə vəfat etmiş atası Çarlzın xatirəsinə övladına onun adını qoyacaq.
Xatırladaq ki, İrina Şeyk və Bredli Kuper 2015-ci ilin yazından birlikdədir.
Model məşhur "Victorias Secret” alt paltarı brendinin dəfiləsinə hamilə halda çıxması ilə ana olmağa hazırlaşdığını hamıya göstərib. Yeri gəlmişkən, brendin tarixində ilk dəfə idi ki, hamilə model podiuma çıxaraq alt paltarlarını öz üzərində nümayiş etdirirdi.
