Futbol üzrə Portuqaliya millisi və İspaniya "Real"ının aparıcı oyunçusu Kriştiano Ronlado "Bakı" futbol klubunun hücumçusu, 19 yaşlılar arasında Azərbaycan millisinə namizəd Valeh Seyidova öz imzası ilə fotosunu hədiyyə olaraq, göndərib.Şəkil Portuqaliya Futbol Federasiyası vasitəsi ilə Azərbaycan Futbol Federasiyasına oradan isə ünvanına çatdırılıb.Portuqaliya Futbol Federasiyasının idman direktoru bu yaxınlarda Azərbaycanda səfərdə olub. Bu vaxt o, "Bakı"nın təlim-məşq bazasına baş çəkib. O, 17 yaşlılar arasında oyun zamanı Valeh Seyidovun Ronaldusayağı "fintlə" qolunun görüntüsünü izləyib. Direktor bildirib ki, Portuqaliyaya qayıtdıqdan sonra bunu Ronalduya danışıb. Məşhur futbolçu da sözügedən hədiyyəni Valeh Seyidova göndərib.Qeyd edək ki, Portuqaliya bu ilin martında 2014-cü ildə futbol üzrə dünya çempionatının seçmə qrup oyunu çərçivəsində Azərbaycan millisi ilə Bakıda üz-üzə gələcək.Prineylilər səfər zamanı "Bakı"nın bazasında məskunlaşacaq. Direktorun sözlərinə görə, onda Ronaldunun Valeh Seyidovla şəxsən görüşəcəyi də nəzərdə tutulub .
