"Rusiya Çernobıl Atom Elektrik Stansiyasına pilotsuz uçuş aparatı (PUA) ilə hücum edib və stansiyanın dağıdılmış 4-cü reaktorunu qoruyan strukturun zədələnib".
AZXEBER.COM xarici mətbuata istinadən xəbər verir ki, Ukrayna prezidenti Zelenski sosial media hesabında açıqlamada ilkin qiymətləndirmələrə görə zərərin ciddi olduğu, hücumdan sonra strukturun zədələndiyi, lakin yanğının söndürüldüyü və radiasiya səviyyəsində artımın müşahidə edilmədiyi qeyd edilib.
Bəyanatda Rusiyanın nüvə obyektlərini hədəf alan hücumlarının qlobal təhlükəsizliyi təhdid etdiyi bildirilib.
Zelenski sosial şəbəkədə bu barədə açıqlama verib:
"Dünən gecə Rusiyaya məxsus yüksək partlayıcı döyüş başlığına malik hücum təyyarəsi Çernobıl Atom Elektrik Stansiyasının dağıdılmış 4-cü enerji blokunda dünyanı radiasiyadan qoruyan sığınacağa düşüb. Bu sığınacaq Ukrayna tərəfindən Avropa və dünyanın digər ölkələri ilə, Amerika ilə birlikdə tikilib. Çernobıl Atom Elektrik Stansiyasındakı sığınacaq bu dron tərəfindən zədələnib. Yanğın söndürülüb. Hazırda radiasiya səviyyəsi artmayıb və daim nəzarətdə saxlanılır.
İlkin qiymətləndirmələrə görə, sığınacağa ciddi ziyan dəyib. Bu o deməkdir ki, Putin birmənalı olaraq danışıqlara hazırlaşmır - o, dünyanı aldatmağa davam etməyə hazırlaşır. Deməli, həyata dəyər verən hər kəsin birgə təzyiqi olmalıdır - təcavüzkara təzyiq. Rusiya əməllərinə görə cavab verməlidir”.
Qeyd edək ki, 1986-cı ildə Çernobılda baş verən nüvə fəlakətində 31 nəfər həlak olub. Fəlakət birbaşa və ya dolayısı ilə 200 min insanın ölümünə səbəb olub.
Gülay
