Rusiya Bəşər Əsədin devrilməsindən sonra Suriyadakı hərbi mövcudluğunu azaltmağı planlaşdırır.
AZXEBER.COM xarici mediaya istinadən xəbər verir ki, bu barədə "Bloomberg" etibarlı mənbələrə əsaslanaraq məlumat yayıb.
Belə ki, Suriyadakı hərbi mövcudluq Vladimir Putin üçün strateji prioritet olsa da, Moskvanın Suriyanın yeni administrasiyası ilə razılığa gələrək qoşunlarını və texnikasını azaltmağı düşündüyü ehtimal edilir.
Suriyanın yeni lideri Əhməd əl-Şaraa və Putin arasında keçən həftə ilk telefon danışığı Moskvanın Dəməşqlə yeni balans yaratmağa çalışdığını ortaya qoyub.
Əlavə olaraq, Əsədin devrilməsi ilə Suriyada yeni qüvvələr balansı yaranıb.
Türkiyə, Qətər və Səudiyyə Ərəbistanı Suriya ilə güclü əlaqələr qurur, Rusiya və İranın təsiri zəifləyir.
Qeyd olunub ki, rəsmi Ankara Suriyanın şimalında hərbi bazalar yaratmağı nəzərdən keçirir, Doha və Ər-Riyadın isə Suriyanın yenidən qurulması üçün maliyyə təmin edəcəyini təklif edib.
Mikayıl
