Rusiya Müdafiə Nazirliyi Ukraynanın Odessa və İzmail limanlarına zərbələr endirildiyini açıqlayıb.
AZXEBER.COM xarici mətbuata istinadən xəbər verir ki, Rusiya Müdafiə Nazirliyinin yaydığı məlumatda hücumların Ukrayna ordusunun istifadə etdiyi liman və gəmilərə qarşı həyata keçirildiyi bildirilib.
Məlumata görə, Odessa limanında patrul katerinin və yanacaq anbarlarının, İzmail limanında isə hərbi yük daşıyan gəmilərin boşaldılması üçün istifadə olunan terminalın hədəf alındığı qeyd edilib.
Rusiya tərəfi həmçinin Qərb istehsalı silahların yerləşdirildiyi hangarların və pilotsuz dəniz aparatlarının saxlanıldığı anbarların vurulduğunu bildirib. Hücumların pilotsuz uçuş aparatları ilə həyata keçirildiyi qeyd olunub.
Açıqlamaya görə, Odessa şəhərində yerləşən "Nova Poçta” logistika mərkəzi və Dnepropetrovsk vilayətində pilotsuz uçuş aparatlarının saxlanıldığı anbar da hücuma məruz qalıb.
Rusiya Müdafiə Nazirliyinin açıqlamasında zərbələrin nəticələri barədə əlavə məlumat verilməyib.
Gülay
