Dmitri Peskov, Ukrayna probleminin həlli istiqamətində göstərdiyi təşəbbüslərə görə Türkiyəyə təşəkkürünü bildirib.
AZXEBER.COM xarici mətbuata istinadən xəbər verir ki, Kremlin sözcüsü Dmitri Peskov Moskvada cari məsələlərlə bağlı jurnalistlərin suallarını cavablandırıb.
Rusiya prezidenti Vladimir Putinlə ABŞ prezidenti Donald Tramp arasında Çində görüş ehtimalına toxunan Peskov Putinin sentyabrın əvvəlində ölkəyə səfər edəcəyini, lakin Putin-Tramp görüşü üçün heç bir hazırlıq görülmədiyini bildirib.
Peskov, "ABŞ prezidenti təxminən eyni vaxtda Çinə səfər etmək qərarına gəlsə, ikitərəfli görüşü istisna etmək olmaz, lakin hələlik heç bir hazırlıq yoxdur. Bunun üçün ilk növbədə ekspert səviyyəsində iş lazımdır" dedi.
Türkiyədə Putin-Tramp görüşünün mümkünlüyü ilə bağlı Dmitri Peskov, prezident Rəcəb Tayyib Ərdoğanın bu mövzuda siyasi iradə nümayiş etdirdiyini ifadə edərək, "Ancaq bu mövzuda konkret bir inkişaf olmadı" deyib.
Rusiya ilə Ukrayna arasında birbaşa danışıqlara Türkiyənin ev sahibliyi etdiyini qeyd edən Peskov, "Türkiyə bütün danışıqlar tərəfləri tərəfindən müsbət qarşılanır. Ankaraya və Türkiyə (Ukrayna) rəhbərliyinə problemin həlli istiqamətində göstərdikləri təşəbbüslərə görə minnətdarıq. Biz də Türkiyə rəhbərliyinə danışıqlar üçün təmin etdiyi şərtlərə görə minnətdarıq" dedi.
Mətbuat katibi Peskov Ukrayna ilə danışıqları davam etdirməyə hazır olduqlarını vurğulayıb.
Rusiya tərəfinin danışıqların üçüncü raundu zamanı onlayn rejimdə fəaliyyət göstərmək üçün üç işçi qrupunun yaradılmasını təklif etdiyini qeyd edən Peskov bu məsələ ilə bağlı Ukraynadan cavab gözlədiklərini bildirib.
Gülay
