Rusiyanın Həştərxan vilayətində beşmərtəbəli yaşayış binasının bir hissəsi uçub.
AZXEBER.COM Trend-ə istinadən xəbər verir ki, Həştərxan vilayətinin qubernatoru İqor Babuşkin bildirib ki, hadisə ilə bağlı təcili qərargah yaradılıb.
Qubernatorun sözlərinə görə, bina sakinləri üçün 3 məktəbin bazasında müvəqqəti məskunlaşma mərkəzləri yaradılıb, sakinlər isti yemək və su ilə təmin olunublar.
Rusiya Fövqəladə Hallar Nazirliyinin Baş İdarəsi isə bildirib ki, Həştərxanda uçan binadan 37-si uşaq olmaqla 200-dən çox insan təxliyə edilib.
