Rusiyanın Orenburq vilayətinin Novotroitsk şəhərində yerləşən görmə məhdudiyyətli uşaqların təhsil aldığı internat-məktəbdə yanğın baş verib.
APA Fövqəladə Hallar Nazirliyinin regional idarəsinin məlumatına istinadən xəbər verir ki, yanğın zamanı 20-si uşaq olmaqla 28 nəfər təxliyə edilib.
Alov məktəbin girişdəki tavanında başlayıb. Yanğının söndürülməsinə 41 nəfər və 15 texnika cəlb olunub.
