Rusiyanın Moskva vilayətində daha bir Çuvaşiya sakini Sibir yarası (qarayara) diaqnozu ilə xəstəxanaya yerləşdirilib. Bu, son günlərdə qeydə alınan artıq dördüncü haldır.
Yoluxmuş şəxs vilayətin Sergiyev Posad şəhərinə artıq xəstəliyin simptomları olan dostu ilə gedib. Hazırda epidemiya əleyhinə tədbirlər görülür.
Xatırladaq ki, Çuvaşiyada qarayaraya bir neçə yoluxma halı qeydə alınıb. Onlardan ilk ikisi martın 15-də Staroye Aktaşevo kəndində aşkarlanıb, bundan sonra kənddə karantin tətbiq edilib. Daha sonra başqa sakində simptomlar aşkarlanıb.
