Rusiyada silsilə qətllər törədən şəxs peyda olub.
AZXEBER.COM Rusiya mediasına istinadən xəbər verir ki, Moskvada tutularaq hakim qarşısına çıxarılan qatilin 37 yaşlı Aleksey Varakin olduğu qeyd edilib.
Varakinlə bağlı istintaq davam edərkən, Rusiya mətbuatı qatilə əlaqədar dəhşətli qətllərin təfərrüatlarını yayıb.
Bildirilib ki, Varakin Moskvada qadınlarla cinsi əlaqədə ola bilməyəndə əsəbiləşib və müxtəlif vaxtlarda iki müşayiətçini öldürüb. Başı kəsilmiş 40 yaşlı Olqa Vorobyovanın paytaxtın İzmailovo rayonunda mehmanxananın yaxınlığında tapıldığı bildirilib və Varakinin bir gün sonra daha bir müşayiətçini öldürdüyü güman edilib.
25 yaşlı Vlada Skitskayanın Moskvanın mərkəzində kirayə qaldığı evdə ölü tapıldığını açıqlayan səlahiyyətlilər 2010-cu ildə oxşar cinayət törədən və iki müşayiətçini öldürən Varakini yaxalayıb.
Bildirilib ki, Varakin 25 yaşlı qadına bıçaqla hücum edib və gənc qadın müqavimət göstərib, Skitskaya dostuna zəng edərək kömək istəyib və qonşular onun qışqırtılarını eşidib köməyə gəliblər. Lakin hadisə yerinə gələn Rusiya polisi gənc qadının yalnız cansız cəsədini tapıb.
Hakim qarşısına çıxarılan Varakin hər iki qətli etiraf edib. Rusiya məhkəmə sistemi hələ də Varakinə hökm çıxarmayıb və onun həbsinin davam etdirilməsi barədə qərar qəbul edib.
Mikayıl
