Daha əvvəl NATO qoşunlarının Ukraynaya göndərilməsi təklifi ilə Avropada böyük qalmaqal yaradan Fransa lideri Emanuel Makronun son açıqlamaları gərginliyi yenidən artırıb.
AZXEBER.COM xarici mətbuata istinadən xəbər verir ki, Makronun sərt açıqlamalarına Rusiyadan reaksiya gəlib.
Ukraynaya hərbi qüvvələrin göndərilməsi ilə bağlı Makron "Bütün bu variantlar mümkündür, bunun üçün yeganə cavabdeh Moskva rejimi olacaq", - deyib.
Rusiyanın Ukrayna-Rusiya müharibəsində qalib gələcəyi təqdirdə Avropanın etibarının sıfıra enəcəyini deyən Makron Avropanın Rusiya ilə müharibəyə hazır olması lazım olduğunu da ifadə edərək, "Bizim yalnız bir məqsədimiz var: Rusiyanı müharibədə məğlub etmək və dayandırmaq".
Rusiya Xarici Kəşfiyyat İdarəsinin rəhbəri Sergey Narışkin Makronun NATO qoşunlarını Ukraynaya göndərmək fikrinə çox sərt reaksiya verib.
Narışkin bu ifadələrin "dəli və absurd” olduğunu bildirib və bu təklifin "çox təhlükəli və məsuliyyətsiz” bir iddia ola biləcəyi vurğulayıb.
Mikayıl
