"İran tərəfindən Naxçıvanın vurulması xoşagəlməz hadisədir”.
Bu fikirləri AZXEBER.COM-a açıqlamasında sabiq xarici işlər naziri Elmar Məmmədyarov deyib.
O bildirib ki, Baş Prokurorluqda məsələ ilə bağlı istintaq başlayıb:
"Baş Prokurorluqda məsələ ilə bağlı istintaq başlayıb. Həmin istintaqın nəticəsində hücumun kimin tərəfindən əmr edildiyi və necə planlaşdırıldığı aydın olacaq. Kompensasiya və üzrxahlıq kimi məsələlər də həllini tapmalıdır. Eyni zamanda hadisəni törədənlər də cəzalandırılmalıdır”.
Sabiq nazir Azərbaycanın Tehrandakı səfirliyi və Təbrizdəki Baş konsulluğun evakuasiyası ilə bağlı məsələyə də toxunub:
"İranda Azərbaycan vətəndaşları və diplomatları üçün təhlükə var. Naxçıvan məsələsi bu prosesi, çox güman ki, tezləşdirib. Onsuz da Tehranda səfirliyimizin fəaliyyəti riskli ola bilərdi. Bundan əvvəl Suriyadakı səfirliyimizi Beyruta evakuasiya etmişdik. Liviyadakı səfirliyimizi isə Tunis vasitəsilə çıxarmışıq. İtaliyanın İrandakı səfirliyi isə Azərbaycandan fəaliyyət göstərəcək. Yəni bütün bunlar təhlükəsizlik üçün atılan addımlardır”.
E. Məmmədyarov qeyd edib ki, müxtəlif ölkələrdən Azərbaycana dəstək verilməsi müsbət haldır:
"Müxtəlif ölkələrdən Azərbaycana dəstək verilməsi yaxşı haldır. Beynəlxalq ictimaiyyət və xarici ölkələr Azərbaycana dəstək verir. Rusiyanın mövqe bildirməməsi isə təsadüfi deyil. Amma hansı səbəbdən reaksiya vermədiyini demək çətindir”.
