Avropa Komissiyası (AK) Rusiyaya qarşı yeni sanksiya paketi çərçivəsində daha 70 gəmini "qara siyahı"ya daxil etməyi planlaşdırır.
Bu barədə "The Guardian” nəşri Avropa İttifaqının (Aİ) daxili sənədinə istinadən məlumat yayıb.
Beləliklə, sanksiya siyahısına daxil ediləcək gəmilərin ümumi sayı 400 vahidi keçəcək.
Bundan əlavə, SWIFT sistemindən ayrılacaq 22 banka qarşı məhdudiyyətlərin tətbiq edilməsi planlaşdırılır.
Nəşrin məlumatına görə, AK Rusiyaya qarşı məhdudlaşdırıcı tədbirlərin tətbiq edildiyi müddət ərzində ilk dəfə olaraq Hindistan vətəndaşına - Rusiyadan neftin daşınması ilə məşğul olan tankerin kapitanına qarşı sanksiyaları nəzərdə tutur.
