Rusiyanın ən məşhur "oğru"larından biri, "oğrubaşı" sayılan "Ded Hasan" ləqəbli Aslan Usoyanın yanvarın 16-da Moskvada qətlə yetirilməsindən sonra kriminal aləmdə başlanmış qarşıdurma prosesi sürətlənib.
"Ded Hasan"ın dəstəsi ilə azərbaycanlı "oğru", "Rövşən Lənkəranski" kimi tanınanRövşən Canıyevvə onu dəstəkləyən "oğru"lar arasındakı qarşıdurma apogey nöqtəsindədir. "Ded Hasan"ın dəstələrinin Birləşmiş Ərəb Əmirliklərinin (BƏƏ) Şərcə şəhərində "sxodka", yəni "oğru" toplantısı keçirmək planlarını həmin qruplaşmaya daxil olmayan "oğru"lar ehtiyat, hətta narazılıqla qarşılayıblar. Şərcədəki toplantını mərhum Aslan Usoyanın dəstəsinin indiki liderləri - "Miron" ləqəbliDmitri Çanturiya, "Timur Sverdlovski" ləqəbliTemuri Mirzoyev, "Vasya Voskres" ləqəbliVasili Xristoforov, "Onik" ləqəbliQadi Kaloyanvə "Valera Kurd" ləqəbliValeri Farziyevtəşkil edirlər. "Ded Hasan"ın əlaltıları olmuş bu "oğru"ların toplantısını Moskva, Sankt-Peterburq, Tula, Yekaterinburq və daha 15 şəhərdəki "oğru"lar vaxtından əvvəl qəbul edilmiş qərar, Rusiyanın kriminal aləmdəki parçalanmanı daha da ağırlaşdıracaq və qarşıdurmaları gücləndirə biləcək addım sayıblar. Eyni zamanda, "Merab Suxumski" ləqəbli "oğru"Merab Canqveladzevə "Cemo" ləqəbliCemal Mikeladzenin tərəfdarları "Ded Hasan"ın dəstəsində olan "oğru"ların "Rövşən Lənkəranski"yə qarşı irəli sürdükləri iddiaların "yetərincə əsaslı" olmadığını hesab edirlər. Prime Crime isə hesab edir ki, "Ded Hasan"ın tərəfdarları ilə "Rövşən Lənkəranski"ni dəstəkləyən "oğru"lar arasındakı qarşıdurmaya "Astik Suxumski" ləqəbliAstamur Quliyanın adamları da qoşulublar. Quliyaya yaxın olan "oğru"lar "Astamur Suxumski"nin qətlə yetirilməsində bilavasitə "Ded Hasan"ın dəstəsini suçlayaraq, "qisas" alınacağını bəyan ediblər. Rosbalt bildirir ki, "Ded Hasan"ın öldürülməsində "Rövşən Lənkəranski"nin suçlanaraq onun "hədəf" elan edilməsinə bu yaxınlarda "oğru" adını almış "Maxo" ləqəbliMalxaz Darçiyevin də etiraz etməyə başladığı vurğulanır. Ən başlıcası isə odur ki, hazırda Rusiyanın ən nüfuzlu "oğru"larından biri sayılan "Tyurik" ləqəbliVladimir Tyurin"Ded Hasan"ın dəstəsində olan və BƏƏ-də toplantı keçirmək istəyən "oğru"lara dəstək verməkdən boyun qaçırıb. (milli.az)
