Əməkdar artist Röya Ayxan 15 il ərzində geyindiyi geyimlərinin sərgisini keçirəcək.
AZXEBER.COM xəbər verir ki, müğənni sərgi öncəsi mətbuat konfransı keçirib. Röya gələcəkdə geyimlərini satmaq istədiyini bildirib.
"Hələ satmaq fikrimiz yoxdur. Amma bu gec-tez olacaq. Elə səhnə geyimim olub ki, 30 min AZN-ə hazırlanıb. Onu da o qiymətə də satmaq fikrim yoxdur. Biz buna tam hazır deyilik çünki bizdə bir az pafos var. Bir paltarı başqası geyinəndə onun üzərində dava düşür. Bu da lazımsızdır.”
Müğənni sahib olduğu "First Fashion Lab” moda evinə həmkarlarının üzünə açıq olduğunu da bildirib:
"Buranını qapısı hamının üzünə açıqdır. Bizim məşhurlarda bir az paxıllıq var. Əslində kim istəsə moda evinə buyura bilər. Gənclər müraciət edir. Onlara da dəstək oluruq. Ona görə salon açmıram ki, həmkarlarım paxıllıqdan ora gəlməyəcəklər.”
Röya geyimlərinin niyə baha başa gəlməsinin səbəbini də açıqlayıb:
"Bizdə bəzən deyirlər ki, paltara çox pul alıb tikdirməkdənsə, onu almaq yaxşıdır. Moda evində paltarlar var ki, aylarla hazır olur. Xanımlar geyimi nə əziyət çəkib tikirlər. Mən onların əziyyətin yerə vura bilmərəm. Siz də məni bağışlayın. Hardasa 2 oğlan birləşib evlənir bir evdə yaşayıb nəsə tikir onu baha qiymət verirlər. Bizim paltarlar da o qiymətə satılmalıdır."
O Azərbaycanda ən çox real tamaşaçı yığan müğənni olduğunu da deyib:
"Azərbaycanda ən çox bilet satan mənəm. İkincini axtarıram. Yeni konsertimdə cəmi 52 dəvətnamə olacaq. Bilet satışı o qədər olur ki, dəvətnamə tapa bilmirəm. Pulu çox sevirəm. Özüm–özümə maliyyə buraxan insanam. Azərbaycanda ən çox bilet satan müğənniyəm”
Röya konsertində səhnəyə tək çıxacağını da bildirib:
"İnşallah yanvar ayında konsert planlaşdırırıq. Konsert Heyder Əliyev sarayında planlanıb. Yay ayında isə açıq havada konsert planlaşdırırıq. Yanvar ayında baş tutan konsertdə yalnız özüm səhnəyə çıxacam. Amma dostlarımın iştirakı da ola bilər."
Müğənni Türkiyədəki işlərindən də bəhs edib:
"Yıldız Tilbenin bir mahnısını ifa edəcəm. Türkiyədə bəzi işlərim var. Amma mahnının adını hələ açıqlamıram.
Nazim Qasımzadə
AZXEBER.COM
