Sabah Moskvada Azərbaycan-Rusiya birgə demarkasiya komissiyasının I iclası keçiriləcək.Bu barədə Xarici İşlər Nazirliyinin mətbuat xidmətindən məlumat verilib. İki gün davam edəcək iclasda Azərbaycan tərəfindən komissiyanın həmsədri, xarici işlər nazirinin müavini Xələf Xələfov iştirak edəcək.
Qeyd edək ki, 2010-cu il sentyabrın 3-də Bakıda Azərbaycan və Rusiya arasında sərhədlərin dəqiqləşdirilməsini nəzərdə tutan saziş imzalanıb. Sənədə əsasən, sərhəd xətti keçmiş Azərbaycan SSR və DağıstanMSSR arasında mövcud olan sərhədlə üst-üstə düşür. Rusiya Azərbaycanın dövlət sərhədi haqqında saziş imzaladığı ilk ölkədir.//APA
