Təmiz reputasiya sahibi: "Əsas odur ki, qazanan doğma Tərtər və tərtərlilər olsun!"
"Cənab Prezidentin dəfələrlə haqlarında ağız dolusu danışdığı qəhrəman tərtərliləri yenidən Milli Məclisdə təmsil etmək üçün bu dəyərli və mənə görə həm də düşərli gündə 95 saylı seçki dairəsindən deputatlığa namizədliyimi irəli sürdüm".
Bunu deputat Sahib Alıyev öz sosial şəbəkəsindəki hesabında bildirib.
Deputalığa namizədliyini açıqlayan Sahib Alıyev daha sonra qeyd edib:
"Əgər yenidən deputat seçiləcəyəmsə, təbii ki, bu mənim üçün şərəf, həm də böyük məsuliyyət deməkdir. Seçkini bu dairədən namizədliyini verən başqa biri udarsa, onda onun əlini sıxıb, uğurlar arzulayacam. Əsas odur ki, qazanan doğma Tərtər və tərtərlilər olsun!"
