İngiltərə Şahzadəsi Diananın qoyun dərisindən hazırlanmış məşhur sviteri hərracda 1,14 milyon dollara satılıb.
AZXEBER.COM Qərb mediasına istinadən xəbər verir ki, hərracın qalibinin kimliyi açıqlanmayıb.
Mart ayında tapılan sviter son illərdə hərracda satılan Şahzadə Diana ilə əlaqəli bir çox digər əşyalardan daha yüksək qiymətə alınıb.
Şahzadə Diana bu simvolik sviteri 1981-ci ilin iyununda, o vaxt Uels şahzadəsi olan Çarlzla evlənmədən bir neçə həftə əvvəl polo matçında geyinib.
İngilis mətbuatının davamlı olaraq izlədiyi Şahzadə Diana 31 avqust 1997-ci ildə 36 yaşında paparassilər tərəfindən izlənilərkən Parisdə tuneldə avtomobil qəzası keçirərək dünyasını dəyişib.
Qəzada Diananın sevgilisi Dodi Əl Fayed və sürücüsü Henri Pol da dünyasını dəyişib.
Mikayıl
