Şahzadə Uilyamın "Ulster Universiteti"nin Belfast şəhərciyinə səfəri zamanı gərgin anlar yaşanıb.
AZXEBER.COM xarici mətbuata istinadən xəbər verir ki, 42 yaşlı şahzadə şəhərciyi tərk edərkən tələbələr "Fələstinə azadlıq" şüarları səsləndirərək ona etiraz ediblər.
Sosial mediada paylaşılan görüntülərdə Uilyam etirazlara baxmayaraq gülümsəyərək, əl yelləyərkən görüntülənib. Tələbələr gələcəkdə İngiltərə kralı olacaq Şahzadədən Qəzzaya qarşı daha aktiv mövqe tutmasını tələb ediblər.
Qeyd edək ki, Uilyam bu ilin fevralında Qəzzada baş verən münaqişələrlə bağlı mühüm açıqlama verib. "Münaqişədə çoxlu insan həyatını itirdi. Hər kəs kimi mən də müharibənin bir an əvvəl bitməsini istəyirəm" deyən Şahzadə, Həmasdan İsrailli girovları azad etməyi və Qəzzaya humanitar yardımı artırmağı xahiş edib.
Gülay
